Med ønsker om en god helg!

Selja står saftgrøn og sevjemjuk,

kvistfri og ferdig til fløytebruk

for hage små gute hender.

Tonen kjem smygande, mjuk og var,

aukar i kraft og får døyvde svar

langt borte frå andre grender.

Solgylt og djup med ein eim av vår,

slørd som i lengt og vemodig sår

han skiftande stig og bårar.

Gåta om livet ligg løynd der i

jordbundne krefter som gjer seg fri,

løyst ut gjennom tusen vårar.

Småfuglen tagnar i skogen då,

undrande sit han og lyder på

og gløymer seg lange stunder.

Barnet som stabbar i garden ler,

undrar seg på kva vel dette er

for spelande blankt vedunder.

Frostvár på tun står ein gamal mann,

minnest den gongen då også han

sprang berrføtt i fjell og finne.

Tonane leikar i hugen hans,

augo står fjerre med dimslørd gland

mot barndomen bleike minne.

("Fløytelåt", tekst: Jakob Sande)

           Klem fra